Aktiviteti i SHKPS

Për të përmbushur misionin për të cilin është krijuar, SHKPS

• Ka krijuar dhe rifreskon në mënyrë periodike Regjistrin Kombëtar të Punonjësve Socialë.
• Nxit dhe merr pjesë aktivisht në realizimin e studimeve/kërkimeve, duke nënvizuar rëndësinë ose dobinë sociale, në mënyrë të pavarur ose në bashkëpunim me organizata të tjera.
• Kujdeset për shkëmbimin e informacionit dhe gjetjeve më të fundit ndërmjet studiuesve, punonjësve socialë, administratorëve publikë ose privatë, nëpërmjet takimeve periodike midis specialistëve, konferencave, seminareve, ekspozitave, të nivelit kombëtar, rajonal e më gjerë.
• Zhvillon aktivitete të kërkimit, projektimit, këshillimit, vlerësimit të programeve, shërbimeve, formimit profesional, kurseve dhe seminareve të specializimit për punonjësit socialë.
• Ofron kurse e seminare të ndryshme për sektorë publikë ose privatë, të interesuar për problemet sociale që shfaqen në arsim, shëndetësi, polici/rend, administratë lokale, etj.
• Ofron informacion dhe dokumentacion në fushën e politikave, problemeve dhe shërbimeve sociale.
• Monitoron zbatimin e Kodit Etik të Punonjësve Socialë.